ອອກແຮງ ແຂ່ງຂັນສ້າງຜົນງານ ເພື່ອຂຳ່ນັບຮັບຕ້ອນກອງປະຊຸມໃຫຍ່ ຄັ້ງທີ III ຂອງອົງຄະນະພັກກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ! ຢ່າງຕັ້ງໜ້າ !          ຊົມເຊີຍວັນການທູດລາວ ຄົບຮອບ 70 ປີ 12 ຕຸລາ 1945 - 12 ຕຸລາ 2015 ຢ່າງສຸດໃຈ! ສືບຕໍ່ປະຕິບັດນະໂຍບາຍການຕ່າງປະເທດ ສັນຕິພາບ ເອກະລາດ ມິດຕະພາບ ແລະ ການຮ່ວມມືຢ່າງສະເໝີຕົ້ນສະເໝີປາຍ          ຊົມເຊີຍ! ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 40 ປີ 2 ທັນວາ 1975- 2 ທັນວາ 2015          ອອກແຮງຮ່ວມກັນເສີມຂະຫຍາຍມູນເຊື້ອອັນດີງາມ ເພື່ອກະກຽມເປັນປະທານໝູນວຽນອາຊຽນ ໃນປີ 2016
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ລັດຖະມົນຕີກະຊວງການຕ່າງປະເທດ ເຂົ້້າຮ່ວມພິທີເປີດອາຄານ ກອງເລຂາອາຊຽນຫຼັງໃໝ່ ແລະ ວັນສ້າງຕັ້ງອາຊຽນ ຄົບຮອບ 52 ປີ

 

 

ໃນວັນທີ 8 ສິງຫາ 2019, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງ ປະເທດ ແຫ່ງ ສປປ ລາວ ໄດ້ເຂົ້້າຮ່ວມ ພິທີເປີດ ອາຄານກອງເລຂາອາຊຽນຫຼັງໃໝ່ ແລະ ວັນສ້າງ ຕັ້ງອາຊຽນ ຄົບຮອບ 52 ປີ (8 ສິງຫາ 1967 – 8 ສິງຫາ 2019) ທີ່ ນະຄອນຫຼວງຈາກາກຕາ, ສາທາລະນະລັດ ອິນໂດເນເຊຍ ໂດຍຕອບສະໜອງຕາມການເຊີນຂອງ ທ່ານ ນ. Retno Masudi, ລັດຖະມົນຕີ ກະຊວງການຕ່າງປະເທດ ແຫ່ງ ສາທາລະນະລັດ ອິນໂດເນເຊຍ ແລະ ທ່ານ Dato Lim Jock Hoi, ເລຂາທິການໃຫຍ່ອາຊຽນ. ເຂົ້າຮ່ວມໃນພິທີທີ່ມີຄວາມໝາຍສໍາຄັນໃນຄັ້ງນີ້ ມີບັນດາລັດຖະມົນຕີຕ່າງປະ ເທດອາຊຽນ ແລະ ຜູ້ຕາງໜ້າຈາກປະເທດສະມາຊິກອາຊຽນ, ຄະນະກຳມະການຜູ້ຕາງໜ້າຖາວອນປະຈຳ ອາຊຽນ, ທູຕານຸທູດ, ເຈົ້າໜ້າທີ່ຂັ້ນສູງຂອງອິນໂດເນເຊຍ ແລະ ເຈົ້້າໜ້າທີ່ ທີ່ກ່ຽວຂ້ອງ ເຂົ້້າຮ່ວມປະມານ 500 ທ່ານ.

 

ໃຫ້ກຽດເຂົ້າຮ່ວມໃນພິທີເປີດອາຄານກອງເລຂາອາຊຽນຫຼັງໃໝ່ໃນຄັ້ງນີ້ ມີ ທ່ານ Joko Widodo, ປະທານາທິບໍດີ ແຫ່ງ ສາທາລະນະລັດ ອິນໂດເນເຊຍ, ຊຶ່ງທ່ານໄດ້ຂື້ນກ່າວຄຳເຫັນ ແລະ ມອບອາຄານ ຫຼັງໃຫມ່ດັ່ງກ່າວ ໃຫ້ ທ່ານ Dato Lim Jock Hoi, ເລຂາທິການໃຫຍ່ ອາຊຽນ ເປັນຜູ້ຄຸ້ມຄອງ. ອາຄານດັ່ງກ່າວ ໄດ້ຮັບການສະໜັບສະໜູນດ້ານທຶນຮອນໃນການກໍ່ສ້າງ ຈາກລັດຖະບານອິນໂດເນເຊຍ ເພື່ອອຳນວຍຄວາມສະດວກໃຫ້ແກ່ການເຄື່ອນໄຫວໜ້າທີ່ວຽກງານຂອງກອງເລຂາອາຊຽນ ລວມທັງເປັນ ສະຖານທີ່ຈັດບັນດາກອງປະຊຸມໃນລະດັບຕ່າງໆ ຂອງອາຊຽນໃນຕໍ່ໜ້າ. ອາຄານດັ່ງກ່າວ ເປັນອາຄານ 16 ຊັ້ນ ທີ່ມີຄວາມທັນສະໄໝ, ມີສິ່ງອຳນວຍຄວາມສະດວກຄົບຊຸດ ແລະ ເປັນມິດກັບສິ່ງແວດລ້ອມ.

 

 

 

 

     ພາຍຫຼັງສໍາເລັດພິທີເປີດອາຄານກອງເລຂາອາຊຽນຫຼັງໃຫມ່ແລ້ວ, ໄດ້ມີການຈັດພິທີສະເຫຼີມສະ ຫຼອງວັນສ້າງຕັ້ງອາຊຽນ ຄົບຮອບ 52 ປີ. ໃນພິທີດັ່ງກ່າວ, ບັນດາລັດຖະມົນຕີຕ່າງປະເທດອາຊຽນ ແລະ ຜູ້ຕາງໜ້າຈາກບັນດາປະເທດສະມາຊິກອາຊຽນ ໄດ້ນຳເອົາສານຂອງຜູ້ນຳອາຊຽນ ທີ່ມີເນື້ອໃນກ່ຽວກັບ ຄວາມມຸ້ງຫວັງໃນອະນາຄົດຂອງຜູ້ນຳອາຊຽນລົງໃນກ່ອງບັນຈຸຂໍ້ຄວາມ ຊຶ່ງຈະຖືກເກັບຮັກສາໄວ້ ແລະ ເປີດ ອອກຕໍ່ສາທາລະນະໃນອີກ 23 ປີຂ້າງໜ້າ (ປີ 2042) ໃນໂອກາດຄົບຮອບການສ້າງຕັ້ງອາຊຽນຄົບຮອບ 75 ປີ. ໃນໂອກາດທີ່ມີຄວາມໝາຍ ສຳຄັນໃນຄັ້ງນີ້, ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ໄດ້ມອບຕິບເຂົ້າເງິນ ເພື່ອເປັນຂອງທີ່ລະລຶກ ໃນໂອກາດອັນສະຫງ່າລາສີນີ້ ແລະ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ກໍໄດ້ມອບແຄນລາວ ເປັນຂອງຂັວນໃຫ້ແກ່ ກອງເລຂາອາຊຽນ ເພື່ອວາງສະແດງໃນຫ້ອງວາງສະແດງຮູບພາບແຫ່ງໃໝ່ຂອງກອງເລຂາອາຊຽນ.

 

 

 

 

a
ແຈ້ງການ
  1. ແຈ້ງການ1
  2. ແຈ້ງການ2
Lao Government
40 years
70 years
a
ຈຳນວນຜູ້ເຂົ້າຊົມ
34477
ມື້ນີ້74
ມື້ວານ155
ອາທິດນີ້469
ເດືອນນີ້1774